تھپڑوالے، اسکول کو نوٹس،منظوری ختم ہوسکتی ہے

مظفرنگر:ہوم ورک نہ کرنے پر مسلم بچے کی کلاس کے دوسرے طلبا سے پٹائی کرنے کے معاملہ میں محکمہ تعلیم نے بڑی کارروائی کرتے ہوئے نیہا پبلک اسکول سے جواب طلب کیا ہے اور تحقیقات مکمل ہونے تک اسکول کو بند رکھنے کی ہدایت جاری کی ہے۔ اے بی پی نیوز کی رپورٹ کے مطابق منصورپور کے اسکول میں طالب علم کی پٹائی کی ویڈیو وائرل ہونے کے بعد محکمہ تعلیم کی جانب سے اسکول کا رجسٹریشن منسوخ کرنے کا عمل شروع کر دیا گیا ہے۔
خبر کے مطابق محکمہ تعلیم نے نیہا پبلک اسکول کو نوٹس بھیجا ہے۔نوٹس میں کہا ہے کہ یہ اسکول منظوری کی شرائط پوری نہیں کرتا ہے۔ بیسک ایجوکیشن آفیسر شبھم شکلا نے کہا، “نیہا پبلک اسکول کی جانچ کی گئی ہے۔ سکول منظور کرنے کی شرائط پوری نہیں کرتا۔ اس لیے پیشگی قانونی کارروائی کی جا رہی ہے اور شناخت کے لیے نوٹس جاری کر دیا گیا ہے۔قابل ذکر ہے کہ ویڈیو وائرل ہونے کے دن سے اسکول بند ہے۔
دریں اثنا، پولیس کو متاثرہ طالب علم کے گھر پر تعینات کر دیا گیا ہے جسے کلاس کے باقی افراد نے تھپڑ مارا تھا۔
ویڈیو میں ملزم ٹیچر اور اسکول کی پرنسپل ترپتا تیاگی طالب علموں سے 7 سالہ بچے کو تھپڑ مارنے کے لیے کہہ رہی ہے
بچے کے والد کا یہ بھی کہنا تھا کہ ہمیں افسوس ہے کہ ہمارے بچے کو مارا پیٹا جا رہا ہے اور اس کے علاوہ میڈم اپنی غلطی تسلیم نہیں کر رہی ہیں۔ یہ معاملہ ہندو مسلم کا نہیں ہے۔ میں اہل وطن سے اپیل کرتا ہوں کہ اس کو ہندو مسلم کے نقطہ نظر سے نہ دیکھیں۔ اسے صرف ایک بچے اور استاد کے نقطہ نظر سے دیکھا جانا چاہیے۔ میں نے میڈم سے کہا کہ بچے کو ٹائٹ کریں، نہ کہ قتل کردیں، جس کو اس طرح مارا گیا۔
بچے کے دادا انصاف میں تاخیر اور مسلسل دباؤ کے بارے میں سوچ کر رو پڑے۔ انہوں نے کہا کہ یہ بہت افسوسناک ہے کہ بچے کو مارا پیٹا گیا۔ ہم پر دباؤ ڈالا گیا، ہمیں اس معاملے میں دھمکیاں بھی ملیں لیکن میں دباؤ میں نہیں آیا۔ باہر والوں نے مجھے اپنے ہی گھر آکر دھمکیاں دی ہیں۔