چنئی :(ایجنسی)
تمل ناڈو میں ڈی ایم کے اور کانگریس اتحاد نے وہ کردکھایا ہے جس کی امید سیاسی جماعتوں سے کم ہی ہوتی ہے۔ ہم نے اب تک ایک چائے والا کے اعلیٰ عہدے تک پہنچنے کی کہانیاں سنی ہیں یا مانی ہیں لیکن کمباکونم میں بن رہےاس حقیقی سچ کو قلم بند کرنا واقعی خوشگوار ہے ۔ کانگریس اور ڈی ایم کے اتحاد نے کمبا کونم میں ایک آٹو ڈرائیور کو میئر بنانے کا فیصلہ کیا ہے۔ اس شخص کے میئر بننے کے تمام امکانات ہیں، کیونکہ کمباکونم میونسپل کارپوریشن میں اکثریت اس اتحاد کی ہے۔
ڈی ایم کے اور اس کے اتحادیوں نے کمباکونم میونسپل کارپوریشن کے کل 48 وارڈوں میں سے 42 وارڈ جیتے۔ ڈی ایم کے اتحاد میں کانگریس پارٹی نے دو سیٹیں جیتی ہیں، جبکہ اسے تین سیٹیں الاٹ کی گئی ہیں۔ کانگریس پارٹی سے وارڈ نمبر 11 سے الیکشن لڑنے والے ایاپن اور وارڈ 17 سے الیکشن لڑنے والے سراوانن جیت گئے۔ کمباکونم کے میئر کے عہدے کے لیے ڈی ایم کے کے کئی کونسلر اور دیگر جوڑ توڑ کر رہے تھے۔ حیرت کی بات نہیں کہ ڈی ایم کے قیادت نے کمباکونم میونسپل کارپوریشن کے میئر کا عہدہ اتحادی کانگریس پارٹی کے لیے محفوظ کر لیا۔
اس فیصلے سے ڈی ایم کے کے تمام جیتنے والے کونسلر پارٹی قیادت کے صدمے میں چلے گئے۔ اس کے بعد کانگریس قیادت نے کے سراوانن اور ایاپن، جو کانگریس پارٹی کے ٹکٹ پر جیتے تھے۔ کانگریس کے سراوانن کو میئر کا امیدوار قرار دیا گیا ہے۔ چونکہ اکثریت ڈی ایم کے-کانگریس اتحاد کے پاس ہے، اس لیے سراوانن میئر بننے کے لیے تیار ہیں۔
کے سراوانن کمباکونم میں آٹو چلاتے ہیں اور اپنے خاندان کا پیٹ پالتے ہیں۔ وہ بیس سال سے آٹو چلا رہے ہیں۔ سراوانن کا خاندان روایتی طور پر کانگریس پارٹی سے تعلق رکھتا ہے۔ سراوانن کے دادا کمارسوامی کمباکونم میونسپلٹی میں کونسلر تھے۔
کے سراوانن کی بیوی دیوی نے بتایا کہ ہمارے تین بیٹے ہیں۔ ہم کرائے کے مکان میں رہتے ہیں۔ میرے شوہر سراوانن نے پہلے کرائے پر آٹو چلایا کرتے تھے۔ پچھلے سات سالوں سے ایک آٹو کے مالک ہیں اور وہ خود چلا رہے ہیں۔ ہمارا پورا خاندان کانگریسی ہے۔ ہم کانگریس کے علاوہ کسی سیاسی پارٹی کا تصور بھی نہیں کرتے۔ یہ پہلا موقع ہے جب میرے شوہر نے یہ الیکشن لڑا اور جیتا ہے۔ ڈی ایم کے اتحاد میں میئر کی سیٹ کانگریس پارٹی کو دی گئی تھی، اسی لیے میرے شوہر سراوانن کو میئر کی سیٹ ملی۔ میرے شوہر کا اصل پیشہ آٹو ڈرائیونگ ہے جو ایک سادہ گھرانے سے تعلق رکھتے ہیں۔ اس سے ہونے والی آمدنی سے ہم خاندان چلا رہے ہیں۔
