حزب اللہ سمیت تمام مزاحمتی گروپوں کی حمایت پوری مضبوطی سے جاری رہے گی: مسعود پزشکیان

ایران کے نومنتخب صدر مسعود پزشکیان نے حزب اللہ چیف حسن نصراللہ کو یقین دہانی کرائی ہے کہ ‘ایران کی حزب اللہ اور دوسرے ایرانی حمایت یافتہ مزاحمتی گروپوں کے لیے حمایت جاری رہے گی۔ نہ صرف یہ کہ حمایت جاری رہے گی بلکہ پوری مضبوطی سے جاری رہے گی۔’
ایرانی صدر نے اس امر کا اظہار پیر کے روز حسن نصراللہ کو لکھےگئے خط میں کیا ہے۔ یہ خط حسن نصراللہ کی طرف سے ایک روز قبل مبارکباد کے سلسلے میں لکھے گئے خط کا جواب تھا۔
واضح رہے ایران ایک عرصے سے عراق ،شام اور لبنان میں موجود مزاحمتی تحریکوں کو مالی و عسکری حمایت دیتا ہے۔ حزب اللہ ان گروپوں میں سے اہم ترین ایرانی حمایت یافتہ مزاحمتی گروپ ہے۔ انہی مزاحمتی گروپوں میں عرب پس منظر کا حامل فلسطینی مزاحمتی گروپ ہے جو فلسطینی عوام کے لیے اسرائیل کے خلاف مزاحمت میں لگا ہواہے۔
ایرانی نومنتخب صدر نے حزب اللہ کے سربراہ کے نام اپنے خط میں لکھا ہے’ ایران پہلے بھی غیر قانونی صہیونی رجیم کے خلاف حمایت کرتا ہے اور آئندہ بھی یہ جاری رکھے گا، ان کا کہنا تھا ‘مزاحمتی تحریوں کی حمایت ایران کی بنیادی پالیسیوں میں سے ایک ، یہ اسی مضبوطی کے ساتھ جاری رکھی جائے گی۔’
صدر مسعود پزشکیان نے کہا ‘مجھے یقین ہے کہ خطے میں اسرائیل کے خلاف مزاحمتی تحریک جاری رہے گی تاکہ اس کی مجرمانہ پالیسیوں کو توڑ کیا جا سکے۔’
صدر مسعود ایک اصلاح پسند لیڈر سمجھے جاتے ہیں۔ انہیں صدر رئیسی کی ہیلی کاپٹر حادثے میں جاں بحق ہونے کے بعد پچھلے ہفتے ایران کا صدر منتخب کیا گیا ہے۔