نئ دہلی :سپریم کورٹ نے بی جے پی سے نکالے گئے لیڈر نوین کمار جندل کو پیغمبر اسلام کے بارے میں ان کے توہین آمیز ریمارکس کے سلسلے میں ایک بڑی راحت دی ہے۔ سپریم کورٹ نے جمعہ کو ملک بھر میں جندل کے خلاف درج تمام ایف آئی آر دہلی پولیس کو منتقل کرنے کا حکم دیا۔
جسٹس ایم آر شاہ اور جسٹس ایم ایم سندریش کی بنچ نے کیس کی سماعت کرتے ہوئے نوین کمار جندل کو دہلی پولیس کی طرف سے تحقیقات مکمل ہونے تک عبوری تحفظ بھی دیا۔
سپریم کورٹ نے جندل کو ان کے مبینہ ریمارکس پر درج کی گئی ایف آئی آر کو منسوخ کرنے کے لیے دہلی ہائی کورٹ جانے کی اجازت دی اور کہا کہ آئندہ تمام ایف آئی آر بھی تحقیقات کے لیے دہلی پولیس کو منتقل کی جائیں گی۔
بنچ نے کہا کہ تمام ایف آئی آر دہلی پولیس کے آئی ایف ایس سی یونٹ کو منتقل کر دی جائیں گی۔ ملزم کے خلاف آٹھ ہفتوں تک کوئی ابتدائی کارروائی یا مزید ایف آئی آر درج نہیں کی جائے گی تاکہ وہ دہلی ہائی کورٹ کے سامنے اپنا مناسب راستہ لے سکے۔
عدالت عظمیٰ نے اس سے قبل بی جے پی کی معطل ترجمان نوپور شرما کو بھی ٹی وی بحث کے دوران پیغمبر اسلام کے بارے میں ان کے ریمارکس پر کئی ریاستوں میں درج ایف آئی آر/شکایات کے سلسلے میں اسی طرح کی راحت دی تھی۔ عدالت نے کہا تھا کہ ایف آئی آر کی جانچ دہلی پولیس کے انٹیلی جنس فیوژن اینڈ اسٹریٹجک آپریشنز (IFSO) سے کی جائے گی۔
نوین جندل کو سپریم کورٹ سے راحت،تمام ایف آی آر دہلی پولیس کو منتقل کرنے کا حکم۔
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔