آسام میں سب سے بڑی بے دخلی مہم،ایک ہزار لوگ متاثر ہوں گے

ناگون:آسام حکومت نے پیر کے روز بٹدرابا پولیس اسٹیشن کے ارد گرد 1,000 بیگھہ اراضی (1.35 مربع کلومیٹر) سے بستیوں کو خالی کرنے کے لیے ایک بے دخلی مہم شروع کی۔
ایک سینئر پولیس افسر نے پی ٹی آئی نیوز ایجنسی کو بتایا کہ آسام کے ناگون ضلع میں وشنو سنت سریمانتا سنکردیوا کی جائے پیدائش کے قریب سخت سیکورٹی کے درمیان اب تک کی سب سے بڑی بے دخلی مہم شروع ہوئی۔بے دخلی مہم 600 سے زائد سیکورٹی اہلکاروں کی تعیناتی کے ساتھ شروع ہوئی۔
پولیس سپرنٹنڈنٹ لینا ڈول نے نامہ نگاروں کو بتایا، "سنتیجان مارکیٹ کے بعد، ہم ہدوبی علاقے میں زمین کو خالی کرادیں گے اور وہاں لگنے والے وقت کے مطابق، ہم فیصلہ کریں گے کہ باقی دو گاؤں میں آپریشن کیا جائے یا نہیں۔”
ضلعی انتظامیہ نے اکتوبر میں 1000 سے زائد خاندانوں کو زمین خالی کرنے کے لیے نوٹس بھیجے تھے۔ ایس پی نے دعویٰ کیا کہ 80 فیصد سے زیادہ لوگوں نے اپنے مکانات، دکانیں اور دیگر ڈھانچوں کو مسمار کر دیا ہے اور وہ باہر چلے گئے ہیں۔
گزشتہ اسمبلی انتخابات میں ہندوتوا پارٹی کے لیے سترا زمین کی صفائی ایک بڑا انتخابی مسئلہ تھا۔
یہ دوسری بڑی مہم ہے، جس میں ستمبر 2021 میں ضلع درنگ کے ڈھلپور علاقے میں پہلی بڑے پیمانے پر بے دخلی مہم چلائی گئی تھی جس کے نتیجے میں پولیس نے مقامی لوگوں کے خلاف فائرنگ کی تھی، جس میں ایک نابالغ سمیت دو مسلمان ہلاک اور 20 سے زائد زخمی ہوئے تھے۔
دریں اثناء اے آئی یو ڈی ایف کے ایم ایل اے اور پارٹی جنرل سکریٹری امین الاسلام نے اخراج کو ’’ناانصافی‘‘ قرار دیا۔ایک اور AIUDF ایم ایل اے اشرف حسین ایم ایل اے نے ٹویٹر پر اپنے "غیر قانونی تارکین وطن” کے تبصرے پر CNN نیوز 18 ٹی وی چینل پر تنقید کی۔انہوں نے سوال کیا کہ”غیر قانونی تارکین وطن، دراندازی کرنے والے”! کیا @CNNnews18 آج ان لوگوں میں سے کسی ایک ‘غیر قانونی تارک وطن’ کا نام بتا سکتا ہے جنہیں ان کے گھروں سے بے دخل کیا گیا؟ کیا غیر قانونی تارکین وطن کا تصور ان کے غیر اخلاقی صحافی یا بی جے پی میں RW کے مالکوں نے دیا تھا؟