معروف تھنک ٹینک سینٹر فار پالیسی ریسرچ کا ایف سی آر اے معطل،جانچ بھی ہوگی

نئی دہلی:حکومت نے فارن کنٹری بیوشن ریگولیشن ایکٹ (FCRA) کے تحت معروف تھنک ٹینک سینٹر فار پالیسی ریسرچ (CPR) کا لائسنس معطل کر دیا ہے۔ یہ کارروائی مبینہ طور پر قانون کی دفعات کی خلاف ورزی پر کی گئی ہے۔ بیرون ملک سے عطیات وصول کرنے کے لیے ایف سی آر اے لائسنس کی ضرورت ہے۔ اس کا مطلب ہے کہ CPR اب غیر ملکی عطیات نہیں لے سکے گا۔
ستیہ کی خبر میں کہا گیا کہ معطلی کا حکم پیر کو ایف سی آر اے کی بعض دفعات کی عدم تعمیل کے ابتدائی ثبوت کی بنیاد پرلیاگیا۔ معطلی کے بعد اب مکمل تحقیقات کر کے مزید فیصلہ کیا جائے گا۔ ایک میڈیا رپورٹ کے مطابق، وزارت داخلہ کے حکام نے تصدیق کی ہے کہ انہوں نے فنڈنگ کے اس طرح کے اصولوں کی خلاف ورزی کے بارے میں پہلی نظر میں آنے والی معلومات کے بعد کارروائی کی ہے۔