جمعیتہ کی طرف سے زیر تعمیر کالونی ظفرالدین نگر میں مکان کا سنگ بنیاد رکھاگیا

نئی دہلی؛ جمعیت علما ہند کے ایک اعلی سطحی وفد نے ناظم عمومی جمعیت علماء ہند مولانا حکیم الدین قاسمی کی قیادت میں میوات کے فساد زدہ علاقے میں جمعیت کی طرف سے جاری ریلیف اور باز ابادکاری کے کاموں کا جائزہ لیا.
اس موقع پر جمعیت کے وفد نے ہوڈل اور پلول میں فساد متاثرہ مساجد میں جاری تعمیری کاموں پر اطمینان کا اظہار کیا
دریں اثنا جمعیۃ کی طرف سے میوات میں زیر تعمیر مولانا ظفر الدین نگر کالونی میں ایک نئے مکان کا سنگ بنیاد بھی رکھا گیا. اس مکان کی بنیاد احمد اباد کے معروف عالم دین اور اس وفد کے مہمان خصوصی مولانا عرفان گلی والا کے ہاتھوں رکھی گئی. ناظم عمومی نے مولانا عرفان گلی والا کے سامنے جمعیت کی طرف سے شروع سے اب تک جاری کاموں کی تفصیلات پیش کیں. مولانا عرفان نے جائزے کے بعد جاری ریلیف و باز اباد کاری اور قانونی اقدامات پر اطمینان کا اظہار کیا اور کہا کہ مجھے یہ جان کر بہت خوشی ہوئی کہ جمیعت علماء ہند نے قانونی میدان میں بڑا نمایاں کارنامہ انجام دیا اور صرف چند ہفتوں میں 130 سے زائد ضمانت کرا کے میوات کے مظلوم اور بے قصور لوگوں کے ساتھ بڑا کرم فرمائی کا کام کیا ہے..
جمعیت کے وفد نے دوسرے مقامات پر جاری باز آباد کاری اور غریب تاجروں کے لیے کھوکھے بنائے جانے کے کاموں کا جائزہ لیا.
مولانا حکیم الدین قاسمی نے بتایا کہ جمعیت میوات میں تین محاذوں پر کام کر رہی ہے، ان میں سے ایک جن کے مکانات تباہ کر دیے گئے ان کے لیے مکانات کی تعمیر کا کام ہو رہا ہے، اسی طرح جو لوگ مقدمات میں گرفتار ہوئے ہیں ان کے لیے قانونی پیروی کی جا رہی ہے، اسی طرح وہ افراد جن کی دکانیں جلا دی گئی ہیں۔ ان کے لیے کھوکے اور ریہڑی کا انتظام کیا جا رہا ہے ساتھ ہی ان تاجروں کے لیے مالی امداد کا بھی فیصلہ کیا گیا ہے تاکہ وہ اپنی تجارت شروع کر سکیں
مولانا حکیم الدین قاسمی نے جمعیت علماء میوات کے کارکنان اور ذمہ داروں کی شب و روز خدمات کی بھی ستائش کی۔
جمیعتہ کے وفد میں مرکزی سینیر ارگنائزر مولانا غیور احمد قاسمی اور گجرات کے مہمان خصوصی مولانا عرفان گلی والا اور جمعیت علماء میوات کے ذمہ داران بھی شامل تھے اس موقع پر مولانا عرفان گلی والا کومولانا محمود مدنی کی نگرانی میں میوات میں جاری کاموں کی تفصیلی جانکاری دی۔ اس کے بعد ناظم عمومی جمیعت علماء ہند نے وفد کے ساتھ دوسرے علاقوں کا بھی دورہ کیا ۔جمعیت علماء ہند کے وفد میں سینیر آرگنائز ر مولانا غیور قاسمی, قاری اسلم بڈیڈ ماسٹر قاسم مولانا عرفان یوتھ کلب مولانا طیب کنسالی وغیرہ شامل تھے.(سورس:پریس ریلیز)