تجزیہ: رام پنیانی
2024 کے لوک سبھا انتخابات کے نتائج بی جے پی کے لیے مایوس کن تھے۔ لوک سبھا میں اس کے ارکان کی تعداد 303 سے کم ہو کر 240 ہو گئی۔ نتیجہ یہ ہے کہ پچھلی بار جہاں صرف نام کی مخلوط حکومت تھی، اس بار حکومت دراصل مخلوط دکھائی دے رہی ہے نہ کہ کسی ایک پارٹی اس کی وجہ سے بی جے پی اپنے ہندو قوم پرست ایجنڈے کو اتنی آسانی سے نافذ نہیں کر پائے گی جس طرح پہلے کرتی تھی۔ اس کے علاوہ انڈیا اتحاد کی طاقت میں بھی اضافہ ہوا ہے اور راہل کی مقبولیت میں بھی اضافہ ہوا ہے۔ اپوزیشن اب زیادہ طاقت کے ساتھ اپنے خیالات کا اظہار کرنے کے قابل ہے۔ ممکن ہے کہ پچھلے انتخابات میں آر ایس ایس اپنے سیاسی بچے بی جے پی کی مدد کے لیے میدان میں نہ اتری ہو۔ مگروہ صرف بی جے پی کے ‘غیر حیاتیاتی’ لیڈر کو خبردار کرنا چاہتے تھے – بی جے پی کی گاڑی کا اسٹیئرنگ اب بھی آر ایس ایس کے ہاتھ میں ہے۔ سنگھ پچھلی سیٹ پر بیٹھا گاڑی چلا رہا ہے۔ سنگھ اور بی جے پی لیڈروں کی طویل میٹنگیں جاری ہیں جس میں انتخابی نتائج پر تبادلہ خیال کیا جارہا ہے اور مستقبل کی حکمت عملی تیار کی جارہی ہے۔
آر ایس ایس کا خیال ہے کہ انتخابات میں بی جے پی کی سیٹوں میں کمی کی بڑی وجہ دلت ووٹوں کا انڈیا الائنس کی طرف منتقل ہونا ہے۔ اس سے نمٹنے کے لیے وی ایچ پی کو متحرک کیا جا رہا ہے۔ اس کے کارکن دلت بستیوں میں میٹنگ کریں گے اور دلتوں کے ساتھ کھانا کھائیں گےدی ہندو کے مطابق، "یہ پروگرام VHP کے 9000 یونٹوں میں منعقد کیے جائیں گے۔”
یہ سب ہمیں رام مندر تحریک کی یاد دلاتا ہے، جس کی بنیاد وی ایچ پی نے رکھی تھی اور بعد میں بی جے پی نے اس تحریک کی قیادت سنبھالی۔ آ2024 کے لوک سبھا انتخابات کے نتائج نے انہیں ہلا کر رکھ دیا ہے اور وہ بی جے پی کے کھوئے ہوئے ووٹ بینک کو دوبارہ حاصل کرنے کی ہر ممکن کوشش کرنے جا رہے ہیں۔ انتخابی نتائج کے بعد آر ایس ایس کی سرگرمی ظاہر کرتی ہے کہ اس کا صرف ثقافتی تنظیم ہونے کا دعویٰ کتنا کھوکھلا ہے۔ مودی حکومت کے دس سال کے دوران ہندوتوا کے ایجنڈے کے مطابق کام بھرپور طریقے سے کیا گیا۔ اور اب لوگوں کو لگتا ہے کہ آر ایس ایس، جو ‘منوسمرتی’ اور ‘مسلمانوں سے نفرت’ کے اصولوں پر مبنی ہے، کبھی بھی سماجی انصاف کے حق میں نہیں کھڑی ہو سکتی۔اپوزیشن جماعتوں کو ہندو راشٹر کی سیاست کی حقیقت کو سمجھنے میں کافی وقت لگا۔ مودی-بی جے پی کے 10 سال کی متعصبانہ اور آمرانہ حکمرانی کے بعد، اپوزیشن جماعتوں نے آر ایس ایس کی سیاست کا مقابلہ کرنے کے لیے کچھ اقدامات کیے ہیں۔ آر ایس ایس میں بھی تبدیلیاں آئی ہیں۔ اس کے دوسرے سرسنگھ چالک M.S. گولوالکر نے اپنی کتاب "Where Our Nationhood is Defined” میں نازی اور فاشسٹ نظریے کی تعریف کی تھی۔ سنگھ نے ترنگے اور دستور ہند کی بھی مخالفت کی تھی۔ ناتھورام گوڈسے کے ذریعہ مہاتما گاندھی کے قتل کے بعد عام لوگوں کی نظروں میں آر ایس ایس کی شبیہ بہت خراب ہوگئی۔
یہ مقدر تھا کہ جے پرکاش نارائن کی ‘مکمل انقلاب’ تحریک ابھری اور اس کے ذریعے سنگھ کو پھر سے اعتبار اور قبولیت حاصل ہوئی۔ جے پی ایک پرعزم آزادی پسند تھے لیکن پھر بھی وہ سنگھ کی حقیقت کو نہیں سمجھ سکے۔ انہوں نے یہاں تک کہا کہ اگر سنگھ فاشسٹ ہے تو میں بھی فاشسٹ ہوں۔ نہرو کو آر ایس ایس کی اصل نوعیت کا بخوبی اندازہ تھا۔ دسمبر 1947 میں صوبائی حکومتوں کے سربراہوں کو لکھے گئے خط میں، نہرو نے لکھا، "ہمارے پاس اس بات کے کافی ثبوت ہیں کہ آر ایس ایس کی نوعیت نجی فوج کی ہے، یہ مکمل طور پر نازیوں کے خطوط پر چل رہی ہے” اس کے بعد کی حکومتوں نے آر ایس ایس کی اس حقیقت پر توجہ نہیں دی۔۔بی جے پی حکومت کے دو ادوار کے دوران عوام کا ایک بڑا طبقہ اور کئی سیاسی پارٹیاں بی جے پی سے پوری طرح مایوس ہو چکی ہیں۔ وہ سمجھ گئے ہیں کہ نہرو کی بات میں سچائی تھی۔
یہ احساس صرف سیاست کے میدان تک محدود نہیں ہے۔ ہم سب دیکھ رہے ہیں کہ ملک میں کس طرح سائنسی اور منطقی سوچ کی حوصلہ شکنی کی جا رہی ہے اور توہم پرستی کو فروغ دیا جا رہا ہے۔ قدیم ہندوستان کی غیر معقول تعریف کی جا رہی ہے۔ ہمیں بتایا جا رہا ہے کہ قدیم ہندوستان میں پلاسٹک سرجری ہوتی تھی۔ ہمیں یہ بھی بتایا جا رہا ہے کہ گائے کے پیشاب میں سونا ہے اور یہ بھی کہ کورونا پلیٹیں مار کر بھاگ جائے گا۔
آر ایس ایس کے تربیت یافتہ پرچارک ہر جگہ موجود ہیں۔ وہ میڈیا اور سوشل میڈیا کے ذریعے رجعتی اقدار کو فروغ دے رہے ہیں۔ سڑاند بہت گہرائی تک پہنچ چکا ہے۔ انتخابات میں بی جے پی کو شکست دینا اس سڑاند کو ختم کرنے کی طرف پہلا قدم ہے۔ اس کے بعد ہمیں ایسی سماجی سوچ کو فروغ دینا ہو گا جو ہماری تحریک آزادی کی اقدار پر مبنی ہو۔ تاریخ ہو یا سائنس یا عدالتی نظام، ہمیں فرقہ وارانہ نظریات کے بوئے ہوئے زہریلے پودوں کو جڑ سے اکھاڑ پھینکنا ہے۔
