وارانسی :(ایجنسی)
اتر پردیش کی سیاسی جدوجہد کے آخری مرحلے میں وزیر اعظم نریندر مودی کاشی کی سڑکوں پر اتر کر بی جے پی کے حق میں ماحول بنارہے ہیں۔ ساتویں مرحلے کی مہم کے آخری دو دن 4 اور 5 مارچ کو انتخابی مہم ختم ہونے تک وزیر اعظم وارانسی میں رہیں گے۔ کاشی میں بی جے پی کی مہم کو آگے بڑھانے کے لیے پی ایم کا رتھ یہاں 26 گھنٹے گھومے گا۔
آج وزیر اعظم مودی وارانسی میں گودولیا سے میداگین تک روڈ شو کیا۔ کاشی وشوناتھ دھام میں پوجا کرنے کے بعد، وہ سونار پورہ کے راستے لنکا میں واقع مالویہ کے مجسمے پر گلہائے عقیدت پیش کیا۔ اگلے دن 5 مارچ کو پی ایم کھجوری میں ایک جلسہ عام سے بھی خطاب کریں گے۔
پی ایم مودی تقریباً 2 بجے مالدہیہ میں سردار ولبھ بھائی پٹیل کے مجسمہ پر پھول چڑھانے کے ساتھ اپنے روڈ شو کا آغازکیا۔ تقریباً 3.1 کلو میٹر طویل روڈ شو شہر کے شمالی اسمبلی حلقہ سے شروع ہو کر جنوبی اسمبلی سے ہوتے ہوئے کینٹ پر اختتام پذیر ہوا۔
بی جے پی نے پی ایم کے روڈ شو کے لیے پوری طاقت لگا دی تھی۔ بی جے پی کے علاقائی صدر مہیش چند سریواستو نے کہا کہ کاشی کے باشندے بنارس میں اپنے رکن پارلیمنٹ اور ملک کے وزیر اعظم کا شاندار استقبال کرنے کے لیے بی جے پی کارکنوں سے زیادہ بے چین تھے۔ انہوں نے کہا کہ جمعہ کو کاشی مکمل طور پر مودیی رنگ میں نظر آیا۔
پی ایم مودی ہفتہ کو کھجوری میں آٹھ اسمبلی حلقوں کے امیدواروں کی حمایت میں ایک جلسہ عام سے خطاب کریں گے۔ اس میں بی جے پی نے تمام بوتھوں کے کارکنوں کی شرکت کے لیے ایک ایکشن پلان تیار کیا ہے۔ اس کے بعد وہ محور گنج میں واقع لان میں روشن خیال لوگوں سے بات چیت بھی کریں گے۔ وہ انتخابی مہم ختم ہونے سے پہلے دہلی روانہ ہو جائیں گے۔
