چاپلوسی کی حد، سمبت ہاترا نے  جگن ناتھ جی کو بھی مودی کا بھکت بتایا

اڈیشہ اور دہلی کے وزرائے اعلیٰ نے بی جے پی لیڈر اور پوری، اڈیشہ سے بی جے پی لوک سبھا امیدوار سمبیت پاترا کے تبصرے کے بعد رد عمل ظاہر کیا ہے۔
سمبت پاترا کا ایک ویڈیو پیر کو وائرل ہوا، جس میں وہ اوڈیا زبان میں بھگوان جگن ناتھ کو پی ایم مودی کا بھکت کہہ رہے ہیں۔ تاہم سخت تنقید کے بعد سمبت پاترا نے اسے اپنی غلطی قرار دیتے ہوئے معافی مانگ لی ہے۔
سمبت پاترا کے اس بیان پر اوڈیشہ کے سی ایم نوین پٹنائک نے کہا، "مہا پربھو کو کسی دوسرے انسان کا بھکت کہنا بھگوان کی توہین ہے۔ اس سے دنیا بھر میں رہنے والے کروڑوں جگناتھ بھکتوں اور اڈیشہ کے لوگوں کے عقیدے کو ٹھیس پہنچی ہے۔ اوڈیا شناخت مہا پربھو کو کسی بھی انسان کا عقیدت مند کہنا قابل مذمت ہے۔
انہوں نے ایک پوسٹ میں لکھا  اڈیشہ کے لوگ اسے طویل عرصے تک یاد رکھیں گے۔
دہلی کے سی ایم اروند کیجریوال نے بھی نوین پٹنائک کے ٹویٹ کا حوالہ دیتے ہوئے لکھا، "میں بی جے پی کے اس بیان کی سخت مذمت کرتا ہوں۔ وہ خود کو بھگوان  سے اوپر سمجھنے لگے ہیں۔ یہ گھمنڈکی انتہا ہے۔ انہیں مودی جی کا بھکت کہنا بھگوان  کی توہین ہے۔
اس دوران بی جے پی لیڈر سمبت پاترا نے ایک ویڈیو پیغام جاری کرتے ہوئے کہا کہ ان سے غلطی ہوئی ہے۔ اس غلطی کو سدھارنے کے لیے وہ اگلے تین دن اپواس رکھیں گے۔