اپوزیشن کا حکومت پر فون ٹیپ کرنے کا الزام،سرکار نے تردید کی

منگل کے روز کانگریس پارٹی کے رہنما ششی تھرور، ترنمول کانگریس کی مہوا موئترا اور آل انڈیا مجلس اتحادالمسلمین کے اسد الدین اویسی سمیت کئی اراکین پارلیمان نے مودی حکومت پر الزام لگایا کہ ان کے فون ٹیپ کرنے کے لیے ان کی ڈیوائسز کو ہیک کرنے کی کوشش کی جا رہی ہے۔
ان کا کہنا ہے کہ انہیں آئی فون بنانے والی کمپنی ایپل کی جانب سے اس طرح کے ”خطرے کی اطلاع” موصول ہوئی ہے اور یہ کہ ان کے آئی فونز پر ”ممکنہ ریاستی اسپانسرڈ اسپائی ویئر حملے” کی وارننگ دی
کئی رہنماؤں نے وارننگ سے متعلق ایپل سے موصول ہونے والے پیغامات کے اسکرین شاٹس بھی پوسٹ کیے، جس میں انہیں خبردار کیا گیا کہ ”ایپل کو یقین ہے کہ ریاست کی جانب سے اسپانسرڈ حملہ آور آپ کو نشانہ بنانے کی کوشش کی منگل کے روز ہی ”، تاہم اپوزیشن ایسی کوششوں سے خوفزدہ ہونے والا نہیں ہے۔
ان کا کہنا تھا، ”بہت کم لوگ اس کے خلاف لڑ رہے ہیں۔ آپ جتنا چاہیں (فون) ٹیپ کر سکتے ہیں، مجھے پرواہ نہیں ہے۔ اگر آپ میرا فون لینا چاہتے ہیں تو میں آپ کو دے دوں گا۔ ہم لڑنے والے ہیں، ڈرنے والے نہیں ہیں۔”
راہول گاندھی کی پریس کانفرنس کے بعد ایپل نے اپنے ایک بیان میں کہا کہ اس کی جانب سے وارننگ تو بھیجی گئی ہے، تاہم اس ”خطرے کی اطلاع کسی مخصوص اسٹیٹ اسپانسرڈ حملہ آور سے منسوب نہیں کی گئی ہے۔”
ایپل نے یہ بھی وضاحت کی کہ ریاست کے زیر اہتمام ایسے حملہ آوروں کا کام ”بہت اچھی مالی امداد کے ساتھ ہی نفیس بھی ہوتا ہے
میڈیا کے مطابق کانگریس رکن پارلیمنٹ راہول گاندھی کے دفتر میں تین لوگوں کو اسی طرح کے پیغامات موصول ہوئے ہیں۔
حکومت کا رد عمل
مودی حکومت میں محکمہ انفارمیشن ٹیکنالوجی کے وزیر اشونی ویشنو کا کہنا ہے کہ ‘ہیکنگ’ سے متعلق ایپل کے الرٹ تنازعے کی تحقیقات کا حکم دیا گیا ہے۔ تاہم حکومت نے حزب اختلاف کے ان دعوؤں کو مسترد کر دیا کہ ”ریاست کی ایما” پر حملہ آوروں نے ان کے آئی فون کو ہیک کرنے کی کوشش کی۔
 مرکزی وزیرنے کہا کہ ایپل نے کہا ہے کہ اس کے اس ”خطرے کی اطلاع” 150 ممالک میں جاری کی گئی ہے اور یہ بھی ممکن ہے کہ اس میں کچھ غلط بھی ہو۔ انہوں نے کہا کہ حکومت نے ان پیغامات کی تفصیلی تحقیقات کا حکم دیا ہے اور ان لوگوں سے تعاون کی اپیل کی، جنہیں یہ وارننگ ملی ہے۔