گورنر بولے: گوا میں عیسائیوں کی آبادی گھٹی مسلمانوں کی بڑھی، پھر صفائی دی

گوا کے گورنر پی ایس سریدھرن پلئی نے اتوار کو ایک بڑا دعویٰ کیا۔ انہوں نے کہا ہے کہ گوا میں عیسائیوں کی آبادی کم ہوئی ہے جبکہ مسلمانوں کی آبادی میں اضافہ ہوا ہے۔ بعد میں انہوں نے اپنے بیان پر صفائی دی
ایک چرچ میں ایک پروگرام سے خطاب کرتے ہوئے گورنر پی ایس سریدھرن پلئی نے کہا کہ گوا میں عیسائیوں کی آبادی پہلے 36 فیصد تھی جو اب کم ہو کر 25 فیصد رہ گئی  ہے
*مسلمانوں کی تعداد میں اضافہ ۔
گوا کے گورنر پی ایس سریدھرن پلئی نے اسی کے ساتھ کہا ہے کہ انہوں نے ایک سینئر پادری سے بات کی اور بتایا کہ ریاست میں کیتھولک کمیونٹی کے لوگوں کی فیصد کم ہو کر 25 ہو گئی ہے۔ اس کے ساتھ ہی گوا میں مسلم  کمیونٹی کی آبادی کا تناسب پہلے کے تین فیصد سے بڑھ کر 12 فیصد ہو گیا ہے۔ انہوں نے کمیونٹی سے اس حوالے سے مثبت مطالعہ کرنے کو کہا تھا۔
گورنر نے بعد میں واضح کیا کہ ان کا مطلب برین ڈرین ہے۔ انہوں نے کہا کہ کچھ میڈیا ادارے میرے بیان پر تنازعہ کھڑا کر رہے ہیں۔ میں ڈیموگرافکس یا کسی خاص کمیونٹی کے بارے میں بات نہیں کر رہا تھا۔ انہوں نے کہا کہ گزشتہ چند سالوں میں گوا میں کیتھولک ارکان کی تعداد میں کمی آئی ہے۔
گورنر پی ایس سریدھرن پلئی نے ایک اور پروگرام میں بتایا کہ عیسائی کمیونٹی  کے رہنماؤں بشمول پادریوں نے ان سے ملاقات کی ہے۔ میں نے اسی حوالے سے کچھ خبروں کا حوالہ دیا۔ میں نے انہیں  اس کا مطالعہ کرنے کو کہا۔ میرے خیال میں اس کی بنیادی وجہ برین ڈرین ہے۔