سیما حیدر کا راز گہرایا، جتنے منھ اتنے افسانے، براستہ نیپال آنے کا ثبوت نہیں ملا

نئی دہلی : پاکستان سے ہندوستان آئی سیما حیدر کے غیر قانونی طریقہ سے داخل ہونے کو لے کر مرکزی تفتیشی ایجنسیاں لگاتار تحقیقات میں مصروف ہیں۔ تاہم اس معاملے میں اب تک ان کے ہاتھ خالی نظر آرہے ہیں۔ اس دوران مین اسٹریم میڈیا ذرائع کے حوالے سے مسلسل سنسنی پھیلا رہا ہے -ایک نئی اسٹوری اس کے طالبان ایجنٹ ہونے کی بھی اچھالی گئی ہے-
دریاں اثنا نیوز۱۸ نے اپنی خبر میں دعویٰ کیا ہے کہ سیما حیدر کیس کی تحقیقات کررہی مرکزی ایجنسیوں کے مطابق 13 مئی کو ہند – نیپال سرحد کے سونولی سیکٹر اور سیتامڑھی سیکٹر میں تیسرے ملک کے شہری کی موجودگی کی کوئی اطلاع سامنے نہیں آئی ہے۔ ہندوستان ۔ نیپال سرحد پر ان دونوں جگہوں سے سیما حیدر اور سچن کی جانب سے ہندوستان میں داخل ہونے کا دعویٰ کیا جا رہا ہے، جس کے بعد یہاں موجود ریکارڈ اور سی سی ٹی وی فوٹیج کی جانچ کی گئی ہے اور فی الحال ان کی طرف سے دی گئی معلومات کی تصدیق نہیں ہو پا رہی ہے۔
پوچھ گچھ میں سچن اور سیما کی طرف سے دی گئی معلومات کی بنیاد پر مرکزی تفتیشی ایجنسیوں نے 1850 کلومیٹر طویل ہند – نیپال سرحد کے تمام بس روٹس پر سے 13 مئی کو گزرنے والی بسوں کے سی سی ٹی وی فوٹیج کی جانچ کی۔ ہندوستان اور نیپال کے درمیان دوستی کا معاہدہ ہونے کی وجہ سے اگر ان دونوں ممالک کے علاوہ کسی تیسرے ملک کا شہری یہاں آتا ہے، تو یہاں موجود ایجنسیوں کو فوری طور پر مقامی پولیس کو مطلع کرنا پڑتا ہے اور ہندوستان کی متعلقہ ایجنسیاں اس کی تحقیقات شروع کر دیتی ہیں۔
اتر پردیش  اے ٹی ایس سیما حیدر سے مسلسل پوچھ گچھ کر رہی ہے۔ دوسری طرف نیوز پورٹل ’اے بی پی ‘ پر شائع خبر کے مطابق سیما سے  نامعلوم مقام پر گزشتہ کئی گھنٹوں سے پوچھ گچھ جاری ہے۔ اے ٹی ایس ذرائع کے مطابق سیما سے جو بھی سوال کیا جا رہا ہے، وہ صرف اتنا کہہ رہی ہے کہ میں یہاں سچن کی محبت میں آئی ہے۔ سیما نے پوچھ گچھ کے دوران نوئیڈا پولیس کو یہی جواب دیا تھا۔ اس معاملے میں سچن اور سیما کو آمنے سامنے بٹھا کر کراس پوچھ گچھ کی گئی تھی اور اس میں ابھی تک کوئی بڑی بات سامنے نہیں آئی۔
ائع خبر  میں کہا گیا ہے کہ اے ٹی ایس ذرائع کے مطابق سیما نے بہت سخت پیشہ ورانہ تربیت حاصل کی ہوگی، جس کے چلتے وہ بہت ہی سدھے ہوئے جواب دے رہی ہے۔ اب یہ بھی کہا جا رہا ہے کہ پولیس تفتیش کے دوران ماہر نفسیات کو اپنے ساتھ بٹھا سکتی ہے تاکہ سیما کے جھوٹ کی تہہ تک پہنچا جا سکے۔ خبروں میں کہا جا رہا ہے کہ سیما کے پاس کئی موبائل ہیں، ان میں سے کئی کو توڑا بھی گیا ہے اور ان کے بھائی پاکستانی فوج میں ہیں۔
یوپی اے ٹی ایس کی ٹیم نے سیما اور سچن کو ایک ساتھ بٹھایا اور کئی اہم ثبوتوں  پر سوال کئے۔ اس میں نیپال میں ان کی ملاقات کے بارے میں بھی سوالات پوچھے گئ