"2002 میں میں فسادیوں کو ‘سبق سکھانے’ کے بعد گجرات میں مستقل امن ہے”— وزیر داخلہ۔

احمد آباد: مرکزی وزیر داخلہ امت شاہ نے جمعہ کو کہا کہ پہلے گجرات میں سماج دشمن عناصر تشدد میں ملوث ہوتے تھے اور کانگریس ان کی حمایت کرتی تھی۔ لیکن 2002 میں ‘سبق سکھائے جانے’ کے بعد، مجرموں نے ایسی سرگرمیوں کو روک دیا اور بھارتیہ جنتا پارٹی ریاست میں ‘مستقل امن’ لائ۔ واضح ہوگجرات میں فروری 2002 میں گودھرا ریلوے اسٹیشن پر ٹرین میں آگ لگنے کے بعد ریاست کے کئی حصوں میں بڑے پیمانے پر تشدد پھوٹ پڑا۔

این ڈی ٹی وی کی خبر کے مطابق شاہ نے ریاست میں اگلے ماہ ہونے والے اسمبلی انتخابات سے قبل کھیڑا ضلع کے مہودھا میں بی جے پی امیدواروں کے حق میں ایک ریلی نکالی۔ انہوں نے الزام لگایا، ”گجرات میں کانگریس کے دور حکومت میں (1995 سے پہلے) اکثر فرقہ وارانہ فسادات ہوتے تھے۔ کانگریس مختلف برادریوں اور ذاتوں کے افراد کو ایک دوسرے کے خلاف اکساتی تھی۔ کانگریس نے اس طرح کے فسادات کے ذریعے اپنا ووٹ بینک مضبوط کیا۔
شاہ نے دعویٰ کیا کہ گجرات میں 2002 کے فسادات اس لیے ہوئے تھے کہ مجرموں کو طویل عرصے تک کانگریس کی حمایت کی وجہ سے تشدد میں ملوث ہونے کی عادت پڑ گئی تھی۔ سینئر بی جے پی لیڈر نے کہا، "لیکن 2002 میں سبق سکھائے جانے کے بعد، ایسے عناصر نے (تشدد کا) راستہ چھوڑ دیا۔ وہ 2002 سے 2022 تک تشدد سے دور رہے۔” انہوں نے کہا کہ بی جے پی نے فرقہ وارانہ تشدد میں ملوث افراد کے خلاف سخت کارروائی کرکے گجرات میں دیرپا امن قائم کیا ہے۔
جموں و کشمیر کو خصوصی درجہ دینے والے آئین کے آرٹیکل 370 کو منسوخ کرنے کے لئے وزیر اعظم نریندر مودی کا شکریہ ادا کرتے ہوئے شاہ نے الزام لگایا کہ کانگریس اپنے "ووٹ بینک” کو بچانے کی کوشش کر رہی ہے۔