شمال مشرقی ریاستوں سے کامن سول کوڈکے خلاف اٹھی آواز،بی جے پی اتحادیوں میں بھی اختلاف

گوہاٹی: یونیفارم سول کوڈ کو لےکر اب بی جے پی کی قیادت والے این ڈی اے اتحاد میں اب دراڑیں دکھائی دینے لگی ہیں۔ این ڈی اے کی شمال مشرقی ریاستوں کی کئی اتحادی جماعتوں نے اس بارے میں اپنا اختلاف ظاہر کیا ہے۔ انہیں خدشہ ہے کہ یو سی سی کی وجہ سے 200 سے زیادہ ثقافتی طور پر متنوع مقامی قبائل کے علاقے میں ان کی آزادی اور حقوق کو کم کر سکتا ہے۔ ہندوستان کی 12 فیصد سے زیادہ قبائلی آبادی شمال مشرقی ریاستوں میں رہتی ہے۔ یو سی سی مخالف آوازوں کی صفوں میں شامل ہونے والے شمال مشرق سے میگھالیہ کے وزیر اعلیٰ کونراڈ سنگما (Conrad Sangma) ہیں۔
‘ٹائمز آف انڈیا’ کی ایک رپورٹ کے مطابق، بی جے پی کے قریبی اتحادیوں میں سے ایک ہونے کے باوجود، کونراڈ سنگما نے اپنی نیشنل پیپلز پارٹی (NPP) کی رائے کو سامنے رکھتے ہوئے کہا کہ ‘یو سی سی انڈیا کے حقیقی خیال کے خلاف ہے’۔ کونراڈ نے کہا کہ ‘ایک سیاسی پارٹی کے طور پر، ہمیں احساس ہے کہ پورے شمال مشرق میں منفرد ثقافتیں ہیں۔ ہم چاہتے ہیں کہ وہ رہیں اور انہیں چھوا نہ جائے۔” جبکہ ناگالینڈ میں بی جے پی کی ایک اور اتحادی، حکمراں نیشنلسٹ ڈیموکریٹک پروگریسو پارٹی (NDPP) نے ہفتے کے روز اعلان کیا کہ "یو سی سی کا نفاذ ہندوستان کی اقلیتی برادریوں اور قبائلی لوگوں کو نقصان پہنچے گا۔” آزادی اور حقوق پر منفی اثرات مرتب ہوں گے۔”