سوشل میڈیا پر اسرائیلی فوجی گاڑیوں اور بلڈوزروں کے جنوبی غزہ کے شہر خان یونس کے قبرستانوں میں گھومنے اور قبریں اکھاڑنے کی ویڈیوز سامنے آنے کے بعد اس حوالے سے اسرائیلی فورسز کا رد عمل سامنے آیا ہے۔
قبریں اکھاڑنے کے واقعات
گذشتہ ہفتے اسرائیلی فورسز نے خان یونس کے ایک بڑے قبرستان کو شدید نقصان پہنچایا، لاشوں کو نکالا، ان کی بے حرمتی کی اور انہیں گاڑیوں میں ڈال کر دوسرے مقامات پر منتقل کیا گیا، جس پر پیمانے پر غم و غصے کی لہر دوڑ گئی تھی۔
اس کے بعد اسرائیلی فوج نے ایک بیان جاری کیا جس میں اس نے وضاحت کی کہ اس نے غزہ میں واقع قبروں کو کھولا اور ان سے لاشیں نکالی تھیں۔
امریکی ٹی وی چینل ’سی این این‘ کی رپورٹ کے مطابق قبریں کھولنے کا مقصد غزہ میں یرغمال بنائے گئے اسرائیلیوں کی لاشوں کی شناخت کرنا تھا۔
انہوں نے مزید کہا کہ یہ 7 اکتوبر کے اچانک حملوں کے دوران حماس کے زیر حراست قیدیوں کی باقیات کی تلاش کا ایک آپریشن تھا۔
یہ بیان اس وقت سامنے آیا جب قبرستان کو بلڈوز کرنے کے بعد اس کی فوٹیج میں دکھایا گیا تھا کہ قبروں کو شدید نقصان پہنچا اور کئی قبروں کا نام و نشان مٹ گیا۔ بلڈوزروں کی مدد سے اکھاڑی گئی قبروں کے ساتھ قبرستان میں ہر طرف انسانی باقیات بکھری دیکھی جا سکتی ہیں۔
فوج نے کہا کہ یہ کارروائی اہم انٹیلی جنس معلومات موصول ہونے کے بعد سامنے آئی۔ ان معلومات میں بتایا گیا تھا کہ خان یونس میں لڑائی کے دوران متعدد اسرائیلی یرغمالیوں کے مارے جانے کے بعد ان کی تدفین کا امکان تھا۔
قیدیوں کی لاشیں!
قابل ذکر ہے کہ قیدیوں کا بحران اسرائیل کو درپیش سب سے نمایاں مسئلہ ہے کیونکہ غزہ میں اس کی کارروائیاں ان قیدیوں کی تلاش کے لیے جاری ہیں۔جمعرات کو اسرائیلی فوج نے اعلان کیا کہ قیدیوں کو بچانا، ان کی لاشوں کو تلاش کرنا اور انہیں واپس لانا غزہ میں ان کے اہم اہداف میں سے ایک ہے اور اسی وجہ سے لاشوں کو قبرستان سے ہٹایا گیا۔
اسرائیلی فوج کے ایک ترجمان نے امریکی نیٹ ورک میں مزید بتایا کہ قیدیوں کی شناخت کا عمل ایک محفوظ اور متبادل جگہ پر ہوتا ہے۔ جب ان لاشوں کی شناخت کرلی جاتی ہے کہ وہ اسرائیلی قیدیوں کی نہیں ہیں تو انہیں انسانی احترام کے مطابق واپس دفن کردیا جاتا ہے۔
تاہم اسرائیلی فوج نے یہ نہیں بتایا کہ قبرستان مسماری آپریشن میں اسے کسی اسرائیلی یرغمالی کی لاش ملی ہے یا نہیں۔
قبریں اکھاڑیں، میتیں نکالیں،بے حرمتی کی، دوسری جگہ لے گئے: اسرائیلی فوج کا اعتراف
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔