دہلی:آل انڈیا یونانی طبّی کانگریس کے ایک وفد نے ڈاکٹر سیّد احمد خاں کی قیادت میں مرکزی وزیر آیوش جناب پرتاپ رائو جادھو سے ان کی رہائش گاہ نئی دہلی پر ملاقات کی۔ وفد میں مہاراشٹر سے ڈاکٹر انس انصاری اور دہلی سے ڈاکٹر شکیل احمد میرٹھی، حکیم آفتاب عالم، ڈاکٹر مرزا آصف بیگ اور محمد عمران قنوجی شامل تھے۔ وفد نے وزیر اعظم ہند جناب نریندر مودی کو گزشتہ ماہ تحریر کیے گئے مکتوب کی کاپی پیش کی، جس میں حکیم اجمل خاں کا مختصر تعارف اور آیوروید اینڈ یونانی طبیہ کالج، قرول باغ کی اہمیت پر روشنی ڈالی گئی ہے۔ نیز یہ بھی مطالبہ کیا گیا ہے کہ حکیم اجمل خاں کی شخصیت اور کارناموں کو ملحوظ رکھتے ہوئے ان کی یاد میں مذکورہ طبیہ کالج کو نیشنل یونانی یونیورسٹی کے طور پر اَپ گریڈ کیا جائے۔
اس موقع پر ان کی پارٹی کے ذریعہ مہاراشٹر میں پہلا گورنمنٹ یونانی میڈیکل کالج کھولنے پر شکریہ ادا کیا گیا اور ان کی یونانی دوستی پر ستائش کی گئی۔ وفد کی باتوں کو انہوں نے سنجیدگی سے سنا اور یقین دلایا کہ وہ اس سلسلے میں اپنے طور پر پوری کوشش کریں گے۔
یونانی طبّی کانگریس وفد کی مرکزی وزیر آیوش سے ملاقات،طبیہ کالج نئی دہلی کو نیشنل یونانی یونیورسٹی بنانے کا مطالبہ
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔