لکھنؤ :(ایجنسی)
یوپی بورڈ کے ہائی اسکول اور انٹرمیڈیٹ کے امتحانات 24 مارچ سے شروع ہونے والے ہیں۔ ہائی اسکول کا امتحان 6 اپریل کو اور انٹرمیڈیٹ کا امتحان 12 اپریل کو ختم ہوگا۔ منگل کو بورڈ آف سیکنڈری ایجوکیشن کے ڈائریکٹر ونے کمار پانڈے نے یوپی بورڈ کے امتحانات کا شیڈول جاری کیا۔
ریاست کے 8373 مراکز میں مجوزہ ہائی اسکول کے امتحان میں 2781654 امیدوار شرکت کریں گے اور 2411035 امیدوار انٹرمیڈیٹ امتحان میں شرکت کریں گے۔ اس طرح دونوں امتحانات کے لیے کل 5192689 امیدوار رجسٹرڈ ہیں۔ خاص طور پر اس بار تحریری امتحان کے بعد پریکٹیکل امتحان لیا جائے گا۔ امتحان سی سی ٹی وی کیمروں کی نگرانی میں ہوگا اور تمام امتحانی مراکز پر ویب کاسٹنگ کی جائے گی۔
ہائی اسکول کے امتحان کا شیڈول
24 مارچ – ہندی۔
26 مارچ – ہوم سائنس
28 مارچ – پینٹنگ
30 مارچ – کمپیوٹر
01 اپریل – انگلش
04 اپریل – سوشل سائنس
06 اپریل – سائنس
08 اپریل – سنسکرت
11 اپریل – ریاضی
یوپی بورڈ انٹرمیڈیٹ امتحان کا شیڈول
24 مارچ – ہندی۔
26 مارچ – جغرافیہ
28 مارچ – ہوم سائنس
30 مارچ – پینٹنگ آرٹ
یکم اپریل – اکنامکس
4 اپریل – کمپیوٹرز
6 اپریل – انگلش
8 اپریل – کیمسٹری ؍ ہسٹری
11 اپریل- فیزیکل ایجوکیشن
13 اپریل- ریاضی ؍بایو لوجی
15 اپریل – فیزکس
18 اپریل – سماجیات
19 اپریل – سنسکرت
20 اپریل – سٹیزن؍سیو کس
70 فیصد نصاب پرمبنی ہوگا بورڈ امتحان
رام پور: کورونا انفیکشن کی وجہ سے متاثرہوئی طلباء کی پڑھائی کے پیش نظر اس بار ثانوی تعلیمی بورڈ70 فیصد نصاب کی بنیاد پر بورڈ امتحان کرائے گا۔ سیکنڈری اسکولوں نے بھی 10ویں اور 12ویں جماعت کے طلباء کی تیاری 70 فیصد کورس سے ہی کرائی گئی ہے ۔ یہی وجہ ہے کہ نصاب وقت سے پورا کر لیا گیا ہے ۔
ثانوی تعلیمی بورڈ کے تحت تسلیم شدہ اسکولوں اور انٹر کالجوں میںنصاب کی شروعات یکم سے ہوتی ہے ،لیکن کورونا انفیکشن کی وجہ سے ثانوی اسکولوں میں تعلیمی سیشن صحیح طور سے چل نہیں سکا ۔ کورونا کی دوسری لہر کے باعث اسکول بند کر دیے گئے۔ دوسری لہر آنے کے بعد اسکول کھلنے کے بعد بھی جنوری کے مہینے میں ایک بار پھر کورونا نے دستک دی جس کی وجہ سے پڑھائی دوبارہ متاثر ہوئی۔ اب اسکول پچھلے ایک ماہ سے کھلے ہیں، ایسے میں ثانوی تعلیمی بورڈ نے ماہرین کے ساتھ مشاورت کے بعد بورڈ کے امتحانات 70 فیصد کورس کی بنیاد پر کرانے کا فیصلہ کیا ہے۔ ثانوی اسکولوں میں صرف 70 فیصد کورس تیار کیا گیا ہے۔ راجکیہ رضا انٹر کالج کے پرنسپل ڈاکٹر اروند کمار گوتم نے بتایا کہ طلبہ کے 70 فیصد کورس مکمل ہو چکے ہیں۔ کسی حد تک نظرثانی بھی کی گئی ہے۔ ان دنوں اسکولوں میں پری بورڈ امتحانات چل رہے ہیں، جو طلبہ کی تیاری کا اندازہ لگانے میں مددگار ثابت ہوں گے۔
