ہمیں پران پرتیشٹھا کا دعوت نامہ نہیں ملا، ملتا تو بھی نہ جاتے: شنکراچاریہ

جیوتیرپیٹھ کے شنکراچاریہ سوامی اویمکتیشورانند سرسوتی نے کہا ہے کہ انہیں ایودھیا کے رام مندر میں ہونے والے پران پرتیشٹھا تقریب کا دعوت نامہ نہیں ملا ہے۔
نیوز ویب سائٹ دی وائر کے شو میں صحافی کرن تھاپر کو دیے گئے ایک انٹرویو میں شنکراچاریہ نے کہا، "ہم نے کوئی دعوت نامہ مسترد نہیں کیا۔ سچ تو یہ ہے کہ ہمیں ابھی تک مدعو نہیں کیا گیا۔ اس لیے کوئی بھی ہم پر دعوت کو مسترد کرنے کا الزام نہیں لگا سکتا۔‘‘
’’ہم نے رام کی جائے پیدائش کو حاصل کرنے کا اپنا فرض پورا کیا ہے اور ہم اس سے مطمئن ہیں۔ ،
"ہمارے ذہن میں دعوت نامہ حاصل کرنے کی کوئی خواہش نہیں ہے۔ سچی بات یہ ہے کہ اگر وہ ہمیں دعوت دیتے تب بھی ہم وہاں جانے والے نہیں تھے۔ ہم وہاں نہیں جاتے کیونکہ شنکراچاریہ کے سامنے کچھ بھی نہیں ہونا چاہیے جودھرم گرنتھوں کے مطابق نہ ہو۔ ہمیں اس بات کو یقینی بنانا ہے کہ سب کچھ گرنتھوں کی ہدایات کے مطابق ہو۔ "اس سے پہلے، جیوتیرپیٹھ شنکراچاریہ اویمکتیشورانند سرسوتی نے کہا تھا کہ ملک کے چار شنکراچاریہ 22 جنوری کو ہونے والے پران پرتیشٹھا تقریب میں شرکت نہیں کریں گے کیونکہ یہ تقریب گرنتھوں کے مطابق منعقد نہیں کی جا رہی ہے۔جوں جوں 22 جنوری کی تاریخ قریب آرہی ہے، اس میں کون حصہ لے گا اور کون نہیں۔یہ صاف ہوتا جارہا ہے
10 جنوری کو کانگریس نے کہا کہ وہ اس تقریب میں شرکت نہیں کرے گی۔