لکھنؤ :(ایجنسی)
اترپردیش کے وزیر اعلیٰ یوگی آدتیہ ناتھ نے کہا کہ یوپی میں فسادات کی کوئی جگہ نہیں ہے۔ یہ یوپی کی ترقی کی نئی سوچ کو ظاہر کرتا ہے۔ انہوں نے کہا کہ یوپی میں اب فسادات کی کوئی جگہ نہیں ہے۔ شرپسندی کے لئے غنڈہ گردی کے لئے اور افواہ کے لئے بھی کوئی جگہ نہیں ہے ۔
وزیر اعلیٰ یوگی نے یہ باتیں بی جے پی کے سابق لیڈر لال جی ٹنڈن کے یوم پیدائش پر لکھنؤ میں کہیں۔ انہوں نے کہا، ’رام نومی پر یوپی میں 800 سے زیادہ مقامات پر جلوس نکالے گئے، لیکن کہیں بھی تو تو – میں میں نہیں ہوئی ۔ دنگا فساد تو دور کی بات ہے ۔ ‘
دی پرنٹ کی خبر کے مطابق یوگی نے مزید کہا کہ ‘یوپی میں 25 کروڑ کی آبادی رہتی ہے، 800 جگہوں پر رام نومی کا جلوس نکلا، اور ساتھ ہی رمضان کا مہینہ چل رہا ہے، وہاں روز افطار کے پروگرام ضرور ہوئے ہوں گے۔ فسادات کی بات تو دور کی بات کہیں بھی تو تو- میں میں نہیں ہوئی ۔
وزیر اعلیٰ نے کہا، ’یہ اتر پردیش کی نئی ترقی کی بات کو ظاہر کر رہا ہے۔ کہ اب یہاں انارکی کی کوئی جگہ نہیں ہے۔ افواہوں کے لیے، غنڈہ گردی کی کوئی گنجائش نہیں ہے۔ اترپردیش کے لوگوں نے رام نومی کے موقع پر مریادا پرشوتم رام کے مقدس جنم دن یہ ثابت کر دیا ہے ۔
رام نومی کے دوران ملک کے کئی حصوں سے تشدد کی اطلاعات موصول ہوئی ہیں۔ مدھیہ پردیش سے لے کر گجرات، راجستھان، مغربی بنگال اور اڈیشہ تک رام نومی کے جلوسوں کے دوران دکانوں کو جلانے سے لے کر پتھراؤ تک کیا گیا۔
اس سے پہلے سی ایم یوگی نے لال جی ٹنڈن کو یاد کرتے ہوئے کئی ٹویٹس کیے تھے۔ انہوں نے لکھا، ’لال جی ٹنڈن کی شخصیت مثبت راستوں پر چلنے کا ایک ذریعہ تھی، اس لیے ہر کارکن ان پر فخر محسوس کرتا تھا۔ کسی کی کہیں بھی سنائی نہیں ہوتی تھی تو ’ بابو جی‘ اس کے لئے دستیاب رہتے تھے ، صرف بی جے پی ہی نہیں دیگر پارٹی و برادری کے لوگ بھی ان کے پاس جاتے تھے ۔‘
سی ایم یوگی نے لکھا کہ لال جی ٹنڈن جسمانی طور پر آج ہمارے درمیان نہیں ہیں، لیکن وہ اپنے کاموں، تحریروں اور یادوں کے ذریعے ہمیشہ زندہ رہیں گے۔ ان کے یوم پیدائش کے موقع پر، یوپی حکومت کی جانب سے انہیں عاجزانہ خراج عقیدت پیش کرتے ہوئے، میں ان کی یادوں کے سامنے سلام پیش کرتا ہوں۔
بتادیں کہ یوپی میں قانون ساز کونسل کے انتخابات میں بھارتیہ جنتا پارٹی کی جیت پر بھارتیہ جنتا پارٹی کے کئی رہنما سی ایم یوگی کو جیت کی مبارکباد دی ۔
بی جے پی نے قانون ساز کونسل کی 35 میں سے 33 سیٹیں جیت لی ہیں۔ پی ایم مودی نے بھی اس جیت کا سہرا یوگیپر باندھتے ہوئے ٹویٹ کیا، ‘اتر پردیش قانون ساز کونسل انتخابات میں جیتنے والے تمام امیدواروں کو بہت بہت مبارک ہو۔ یہ جیت ایک بار پھر بی جے پی کے ترقیاتی ماڈل پر عوام کے اعتماد کا اظہار ہے۔
