کے سی تیاگی کی چھٹی،نتیش کی نئی ٹیم میں جگہ نہیں ملی

پٹنہ: جنتا دل یونائیٹڈ (جے ڈی یو) کے قومی صدر راجیو رنجن سنگھ عرف للن سنگھ نے پارٹی کے نئے قومی عہدیداروں کے ناموں کا اعلان کیا ہے۔ جے ڈی یو کی طرف سے دی گئی جانکاری کے مطابق منگنی لال منڈل کو نائب صدر کے عہدے کی ذمہ داری دی گئی ہے۔ نئی ٹیم میں 22 رہنماؤں کو جنرل سیکرٹری بنایا گیا ہے جن میں سب سے چونکا دینے والا نام مولانا غلام رسول بلیاوی کا ہے۔ اس کے ساتھ ہی پارٹی کے سینئر لیڈر کے سی تیاگی کو پارٹی کے قومی عہدیداروں کی فہرست سے نکال دیا گیا ہے۔
تیاگی کو کیوں ہٹایا گیا؟
کے سی تیاگی کو اکثر ٹی وی مباحثوں میں پارٹی کے چہرے کے طور پر دیکھا جاتا تھا، لیکن گزشتہ چند مہینوں میں وہ میڈیا میں کم نظر آئے۔ مانا جا رہا ہے کہ وزیر اعلیٰ نتیش کمار سے ان کی دوری بڑھتی جا رہی تھی اور یہی وجہ ہے کہ وہ اس بار پارٹی کے قومی عہدیداروں کی فہرست میں جگہ نہیں بنا سکے۔ پرانی ٹیم میں تیاگی نیشنل پرنسپل جنرل سکریٹری کے عہدے پر فائز تھے۔اسی کے ساتھ پارٹی کے قومی ترجمان کی ذمہ داری عرصہ سے نبھارہے تھے وہ دہلی میں پارٹی کا چہرہ تھے جے ڈی یو میں پچھلے کچھ مہینوں سے ہنگامہ چل رہا تھا، پارٹی کو امید ہے کہ نئی ٹیم کچھ استحکام لائے گی
قومی کمیٹی میں جگہ نہ ملنے پر تیاگی نے کہا کہ ہم نے انکار کر دیا تھا۔ ہم نے نتیش کمار کو بہت پہلے کہہ دیا تھا کہ وہ اب کمیٹی میں نہیں رہیں گے۔ ہم نے آر سی پی سنگھ کے دور میں ہی اپنی خواہش کا اظہار کیا تھا۔