ممبئی:(ایجنسی)
بھارتیہ جنتا پارٹی کی سابق ترجمان نوپور شرما کو پیغمبر اسلام کے خلاف توہین آمیز ریمارکس کے لیے درج ایف آئی آر کے سلسلے میں ان کا بیان درج کرانے کے لئے طلب کرےگی ۔
خبر رساں ایجنسی پی ٹی آئی کے مطابق، ممبئی پولیس کمشنر سنجے پانڈے نے ممبئی پولیس ہیڈکوارٹر میں ایک پریس کانفرنس میں کہا، ’پائیدھونی پولیس اسٹیشن میں نوپور شرما کے خلاف پہلے ہی ایف آئی آر درج کی جاچکی ہے، ہم انہیں قانون کے مطابق ان کا بیان ریکارڈ کرائیں گے۔‘قانونی کارروائی کی جائے گی۔
ممبئی پولیس نے 28 مئی کو مسلم تنظیم رضا اکیڈمی کے جوائنٹ سکریٹری عرفان شیخ کی طرف سے درج کرائی گئی شکایت کی بنیاد پر ایک ٹیلی ویژن مباحثے کے دوران پیغمبر محمد ؐ کے خلاف مبینہ طور پر قابل اعتراض تبصرہ کرنے کے الزام میں مقدمہ درج کیا تھا۔ نوپور شرما اس وقت بی جے پی کی قومی ترجمان تھیں۔
شرما کو مبینہ ریمارکس پر کئی اسلامی ممالک کی مذمت کے بعد بی جے پی نے 5 جون کو پارٹی سے معطل کر دیا تھا۔
