اویسی کو جھٹکا،سیکڑوں کارکنوں کا پارٹی چھوڑنے کا فیصلہ

   پریاگ راج( ایجنسی ) اترپردیش سے اسد الدین اویسی کے لیے بری خبر ہے۔ پریاگ راج میں اسد الدین اویسی کی پارٹی اے آئی ایم آئی ایم کے کئی کارکن بڑے پیمانے پر استعفیٰ دینے جارہے ہیں  ۔ بتایا جا رہا ہے کہ پریاگ راج میں ضلع اور سٹی کمیٹی سے وابستہ اے آئی ایم آئی ایم کے تمام کارکن پارٹی چھوڑ دیں گے۔ 10 جون کو پریاگ راج میں نماز جمعہ کے بعد ہوئے تشدد میں ریاستی قیادت کی طرف سے مداخلت نہ کرنے کی وجہ سے کارکنوں میں ناراضگی ہے ان کا کہنا ہے کہ آزمائش کے وقت پارٹی قیادت نے تنہا چھوڑدیا۔اور کوی خیر خبر نہیں لی پریاگ راج کے پارٹی لیڈروں کا دعویٰ ہے کہ اویسی کی پارٹی کے 100 سے زیادہ کارکن  اجتماعی طور پر استعفیٰ دینے جارہے ہیں ۔ اگر ایسا ہوتا ہے تو یوپی میں اپنی بنیاد مضبوط کرنے کی کوشش کرنے والے اسد الدین اویسی کے لیے یہ کسی بڑے جھٹکے سے کم نہیں ہوگا۔ بتا دیں کہ AIMIM کے ضلع صدر شاہ عالم اور ذیشان رحمانی کے خلاف 10 جون کو تشدد کے معاملے میں مقدمہ درج کیا گیا ہے۔پریاگ راج پولیس کارروائی سے سب سے زیادہ سردیوں میں رہا جہاں ڈبلیو پی اے کے لیڈر جاوید کو گرفتار کرنے کے ساتھ ان کے مکان کو بلڈوزر کردیا گیا ۔