سپریم کورٹ نے کہا،مسلسل حراست میں رکھنے بعد بری کرناسنگین ناانصافی،سرکار ضمانت پر قانون لاۓ

نی دہلی (ایجنسی )سپریم کورٹ نے پیر کو کہا کہ مسلسل قیدوبند کے بعدپھر کسی قیدی کو حتمی طور پر بری کر دینا "سنگین ناانصافی” ہے۔ عدالت عظمیٰ نے مرکزی حکومت سے کہا کہ اسے ضمانت کے معاملات کو آسان بنانے کے لیے علیحدہ ضمانتی قانون بنانے پر غور کرنا چاہیے۔ سپریم کورٹ نے مرکزی حکومت کو یہ سفارش ملک کی جیلوں میں قیدیوں کی زیادہ بھیڑ کو دیکھتے ہوئے کی ہے اور ان میں سے دو تہائی سے زیادہ زیر سماعت قیدی ہیں۔ عدالت عظمیٰ نے یہ بھی کہا کہ ضمانت کی درخواستوں کا فیصلہ دو ہفتوں کے اندر اور پیشگی ضمانت کی درخواستوں پر چھ ہفتوں میں فیصلہ کیا جانا چاہئے، جب تک کہ قوانین خاص طور پر اس سے منع نہ کریں۔ جسٹس ایس کے کول اور جسٹس ایم ایم سندریش کی بنچ نے سی بی آئی کے ذریعہ گرفتار ایک شخص کے معاملے میں فیصلہ سناتے ہوئے یہ بات کہی۔ بنچ نے کہا کہ ہندوستان میں مجرمانہ مقدمات میں سزا کی شرح انتہائی کم ہے۔ ہمیں لگتا ہے کہ یہ عنصر ضمانت کی درخواستوں کا فیصلہ کرتے وقت عدالت کے ذہن پر منفی بوجھ ڈالتا ہے۔ عدالتوں کا موقف ہے کہ ضمانت کی درخواستوں پر سختی سے فیصلہ کرنا ہوگا کیونکہ سزا کا امکان انتہائی کم ہے۔ یہ قانونی اصولوں کے خلاف ہے۔ بنچ نے کہا کہ ضمانت کی درخواستوں پر غور کرتے ہوئے، ہم اس بات کو نہیں ملا سکتے کہ کس کا کیس قابل سزا نہیں ہے اور کس کا فیصلہ ٹرائل کے ذریعے ممکن ہے۔ اس کے برعکس، مسلسل نظر بندی کے بعد بالآخر بری ہونا ‘سنگین ناانصافی’ کا معاملہ ہوگا۔