سوامی بولے،مودی سرکار عربوں کے سامنے کھڑی نہیں ہوسکتی

نئی دہلی :(ایجنسی)

بی جے پی کی سابق ترجمان نوپور شرما کو پارٹی کی بنیادی رکنیت سے معطل کیے جانے کے بعد بی جے پی کے حامی ناراض ہیں۔ ان میں بی جے پی کے رکن پارلیمنٹ سبرامنیم سوامی بھی شامل ہیں۔ بدھ کو سوامی نے نوپور شرما کے معاملے کو لے کر مرکز کی نریندر مودی حکومت پر ایک بار پھر حملہ کیا۔ سوامی نے کہا کہ ہندوستان کی مودی حکومت عربوں کے سامنےکھڑی نہیں ہو سکتی۔ ان کا مزید کہنا تھا کہ ہندوستانی حکومت نے اسرائیل کے خلاف ووٹ کیا تھا اور دہشت گرد ملک حماس کی حمایت میں ووٹ کیا تھا۔

سوامی اتنے پر ہی خاموش نہیں ہوئے انہوں نے بتایا کہ افغان بحران کے دوران ہندوستانی حکومت نے ہندوستان کو طالبان کے ساتھ پارٹی کاآفر بھی دیاتھا۔ سوامی نے بتایا کہ دبئی کو منی لانڈرر کے طور پر پہچانا جاتا ہے جہاں سے وہ بورڈ آف کنٹرول فار کرکٹ ان انڈیا کو کنٹرول کرتا ہے۔ کیا آپ اور بھی کچھ جاننا چاہتے ہیں ؟

بی جے پی کی سابق ترجمان نوپور شرما نے مبینہ طور پر پیغمبر اسلام محمدؐ کے خلاف قابل اعتراض تبصرہ کیا تھا۔ اس تبصرے کی وجہ سے ملک سے لے کر بیرون ملک تک سیاسی درجہ حرارت بڑھ رہا ہے۔ یہی نہیں بلکہ کئی عرب ممالک نے ہندوستانی سفیروں کو طلب کرکے اس معاملے پر سخت اعتراض بھی کیا ہے۔ اس کا فائدہ اٹھاتے ہوئے پاکستان اور افغانستان جیسے بنیاد پرست اسلامی ممالک نے بھی بھارت کو نیچا دکھانے کی کوشش کی۔

اس سے پہلے منگل کو سوامی نے نوپور شرما کی معطلی پر بی جے پی حکومت کے خلاف ایک کے بعد ایک کئی ٹویٹس کیے تھے۔ سوامی نے کہا تھا، ’’8 سال کے دور اقتدار میں مودی سرکار کو بھارت ماتا کو شرم سے سر جھکانا پڑا کیونکہ ہم لداخ پر چینیوں کے سامنے رینگتے رہے، روسیوں کے سامنےگھٹنے ٹیک دیئے ، کواڈ میں امریکیوں کے سامنے جھکے رہے، اب ہم نے چھوٹے سےقطر کےسامنے سجدہ برسجود ہیں۔ یہ ہماری خارجہ پالیسی کی خامیاں ہیں۔‘‘

گستاخ رسول کو گرفتار کیاجائے : اویسی

اے آئی ایم آئی ایم کے صدر اسد الدین اویسی نے نوپور شرما کے تنازع کو پھر سے بھڑکاتے ہوئے کہا کہ اسے گرفتار کیا جانا چاہیے۔ نوپور شرما اور نوین جندل کا نام لیے بغیر اویسی نے کہا کہ پیغمبر اسلام کے خلاف ریمارکس کرنے والوں کو گرفتار کیا جانا چاہیے۔ اویسی نے مہاراشٹر کے لاتور میں ایک ریلی سے خطاب کرتے ہوئے کہا کہ ہندوستان کی نریندر مودی حکومت نے ہندوستانی مسلمانوں کی بات نہیں سنی لیکن جب بیرونی ملک قطر سے اعتراض اٹھایا گیا تو انہوں نے کارروائی کی۔