نایب صدر عہدے کے این ڈی اے کے امیدوارجگدیپ دھنکھڑ، 18 مئی 1951 کو راجستھان کے ضلع جھنجھنو کے گاؤں کیتھانہ میں پیدا ہوئے، انہوں نے 30 جولائی 2019 کو بنگال کے گورنر کا عہدہ سنبھالا۔ دھنکھر کی ابتدائی تعلیم (پہلی سے پانچویں جماعت تک) گاؤں کے ہی سرکاری اسکول میں ہوئی۔ اس کے بعد انہوں نے اسکالر شپ حاصل کی اور چتوڑ گڑھ کے سینک اسکول میں داخلہ لیا۔ دھنکھڑ نے ممتاز مہاراجہ کالج جے پور سے بی ایس سی (آنرز) کی ڈگری حاصل کی۔ انہوں نے راجستھان یونیورسٹی سے قانون (LLB) کی تعلیم حاصل کی۔ وہ ہمیشہ پڑھائی میں اول رہے۔ دھنکھڑ نے 1979 میں راجستھان بار کونسل میں شمولیت اختیار کی۔ 27 مارچ 1990 کو وہ سینئر وکیل بن گئے۔ اس وقت سے، دھنکھڑ سپریم کورٹ میں بھی پریکٹس کرتے رہے۔ وہ 1987 میں راجستھان ہائی کورٹ بار ایسوسی ایشن کے صدر بھی منتخب ہوئے
دھنکھڑ کا سیاسی کیریئر سال 1989 سے شروع ہوا۔ اسی سال انہوں نے بی جے پی کی حمایت سے جنتا دل کے ٹکٹ پر جھنجھنو سے لوک سبھا کا الیکشن لڑا اور جیت گیے۔ وہ مرکز میں وزیر بھی رہے۔ جنتا دل کی تقسیم کے بعد وہ سابق وزیر اعظم دیوے گوڑا کے کیمپ میں چلے گئے۔ لیکن جنتا دل سے ٹکٹ نہ ملنے کے بعد وہ کانگریس میں چلے گئے۔ انہوں نے کانگریس کے ٹکٹ پر اجمیر سے لوک سبھا کا الیکشن بھی لڑا، لیکن ہار گئے۔ اس کے بعد سال 2003 میں وہ بی جے پی میں شامل ہو گئے۔ 1993 اور 1998 کے درمیان وہ اجمیر کے کشن گڑھ ودھان سبھا سے ودھان سبھا کے رکن رہے۔ لوک سبھا اور ودھان سبھا میں اپنے دور میں وہ کئی اہم کمیٹیوں کے رکن رہے۔ اسی وقت، ان کی بیٹی کامنا جے پور کے ایم جی ڈی اسکول اور اجمیر کے میو کالج سے تعلیم حاصل کرنے کے بعد امریکہ سے گریجویشن کر چکی ہے۔ اس بار نائب صدر کا انتخاب 6 اگست کو ہونا ہے۔ نامزدگی کی آخری تاریخ 19 جولائی ہے۔ موجودہ نائب صدر وینکیا نائیڈو کی میعاد 10 اگست کو ختم ہو رہی ہے۔ نئے نائب صدر 11 تاریخ کو حلف لیں گے۔
